Մեծ Բրիտանիայում նույնասեռական հոգեւորականը, որն անցյալ տարի ամուսնացել էր իր զուգընկերոջ հետ, ընտրվել է Անգլիական եկեղեցու Սինոդ։
Լոնդոնի հյուսիսում փոխերեց ծառայող Էնդրյու Քեյնը նշել է, որ ինքը չափազանց ուրախ է այդ որոշման համար։
«Սա հույս է, որ եկեղեցին կլինի ավելի բարի եւ բարեգութ»,- գրել է նա իր Թվիթերում։
Միաժամանակ նրա ընտրությունը տագնապով են դիմավորել պահպանողական շրջանակները, որոնք պահանջում են Քեյնին անհապաղ հեռացնել եկեղեցու ղեկավարությունից, փոխանցում է BBC-ի Ռուսական ծառայությունը։
Christian Concern պահպանողական խմբի ներկայացուցիչը հայտարարել է, որ ամուսնանալով նա սասանել է եկեղեցու հիմքերը։
Անգլիայի եկեղեցին նույնասեռական հոգեւորականերին թույլ է տալիս միայն քաղաքացիական միություն կնքել։