Հայաստանում դեկտեմբերի 6-ի սահմանադրական փոփոխությունների հանրաքվեն շրջադարձային փուլ կդառնա։ Այս մասին հոկտեմբերի 13-ին կայացած մամուլի ասուլիսի ժամանակ հայտնել է ԱԺ ՀՀԿ խմբակցության պատգամավոր Արտակ Դավթյանը։
«Եթե ժողովուրդն ասի «այո», լավ, իսկ եթե կասի «ոչ», էլի լավ։ Յուրաքանչյուր քաղաքացի պետք է հարգի այդ որոշումը։ Դա չի նշանակում, որ դեկտեմբերի 6-ը էապես տարբերվելու է նախորդ երկու հանրաքվեներից։ Սահմանադրական բարեփոխումներն ընդունվելու դեպքում մենք կունենանք Սահմանադրություն, որը զուրկ է թերություններից»,- ասել է Դավթյանը։ Պատգամավորի խոսքով՝ ժամանակը ցույց կտա, թե Հայաստանը կանցնի կառավարման խորհրդարանական համակարգի, թե ոչ։
«Սակայն սահմանադրական բարեփոխումների նախագիծը բավական ճկուն է։ Այն անմիջականորեն կարձագանքի Հայաստանի առջեւ կանգնած ցանկացած մարտահրավերի»,- վստահ է Արտակ Դավթյանը։