Հոկտեմբերի 11-ին, ժամը 15.40-ին, շտապօգնության կայանից ոստիկանության Արմավիրի բաժնում հաղորդում էր ստացվել, որ իրենց է զանգահարել մի կին եւ հայտնել, որ իր որդուն դանակով հարվածել են:
Ոստիկանությունից NEWS.am-ին հայտնել են, որ մեկնած օպերատիվ խումբը պարզել էր, որ նույն օրը, ժամը 12.30-ի սահմաններում, Արմավիր քաղաքի «Սադախլու» կոչվող շուկայի տարածքում, վիճաբանության ժամանակ, 52-ամյա Արթուր Ղ.-ն բռունցքով 2 անգամ հարվածել է 58-ամյա Սեյրան Լ.-ի դեմքին` պատճառելով ֆիզիկական ցավ, որից հետո Սեյրան Լ-ն գլխով 3 անգամ հարվածել է Արթուր Ղ.-ի դեմքին եւ փայտով հարվածել նրա կրծքավանդակին` դեմքի եւ կրծքավանդակի մասերում պատճառելով վնասվածքներ:
Սեյրան Լ.-ն եւ Արթուր Ղ.-ն հաժարվել են դատաբժշկական փորձաքննության ենթարկվելուց եւ ստորագրությամբ բաց են թողնվել:
Կատարվում է հետաքննություն: