Ականանետերից հրետակոծվել է Դամասկոսում ՌԴ դեսպանատունը, դեսպանատան աշխատակիցների մեջ տուժածներ չկան: Այս մասին այսօր՝ հոկտեմբերի 13-ին, հաղորդել է «ՌԻԱ նովոստին»՝ վկայակոչելով դիվանագիտական ներկայացուցչության աշխատակցին:
«Երկու ական ընկել է Դամասկոսում ՌԴ դեսպանատան տարածքում: Դիվանագիտական ներկայացուցչության աշխատակիցների մեջ տուժածներ չկան, նյութական վնաս է պատճառվել»,-հայտնել է նա:
Բացի այդ, ինչպես «ՌԻԱ նովոստիին» հայտնել է ականատեսներից մեկը, մի քանի ական պայթել է Սիրիայում ՌԴ գործողությունները պաշտպանող ակցիայի վայրի մոտ, կան վիրավորները:
«Տարածքը, որտեղ ընկել են ականները, շրջափակել են»,-ասել է ականատեսը:
