Ինչպես տեղեկացնում է Ստամբուլի հայկական «Ակոս»-ը, մի շարք արհմիություններ, ՀԿ-ներ ու քաղաքական կուսակցություններ դիմել են Ստամբուլի նահանգապետարան՝ հոկտեմբերի 10-ին Անկարայում տեղի ունեցած պայթյունի հետեւանքով զոհվածների համար սգո եւ հիշատակի երթ անցկացնել։
Այս դիմումը մերժվել է նահանգապետի կողմից։ Մերժման տեքստում նշվել է, թե այս պահին հարմար չէ նման միջոցառում իրականացնել։
Հիշեցնենք, որ Թուրքիայի մայրաքաղաք Անկարայում 2015թ. հոկտեմբերի 10-ի առավոտյան արհմիությունների կազմակերպած Խաղաղության հանրահավաքի ժամանակ տեղի են ունեցել հզոր պայթյուններ, որոնց հետեւանքով զոհվել է առնվազն 97, վիրավորվել 246 քաղաքացի: