Երեւանի բնակչուհի 31-ամյա Վարսենիկ Հ.-ն հոկտեմբերի 12-ին իր որդու՝ 13-ամյա Գոռ Ե.-ի հետ վրաերթի է ենթարկվել Երևանի Մանթաշյան փողոցի թիվ 24/Ա շենքի դիմաց: Այս մասին տեղեկանում ենք ոստիկանությունից:
Վարսենիկ Հ.-ն տեղափոխվել է «Էրեբունի» բժշկական կենտրոն, որտեղից NEWS.am-ին հայտնեցին, որ կինը Վերակենդանացման բաժանմունքում է, վիրահատության է ենթարկվել, վիճակը կայուն ծանր է:
Վարսենիկ Հ.-ի մոտ առկա է գանգուղեղի, կոնքի եւ միզապարկի վնասվածք:
13-ամյա Գոռ Ե.-ն տեղափոխվել է Երեւանի «Սուրբ Աստվածամայր» բժշկական կենտրոն, որի տնօրեն Նիկոլայ Դալլաքյանը մեզ հետ զրույցում տեղեկացրեց, որ Գոռ Ե.-ի վիճակը ծանր է, ունի գլխուղեղի սալջարդ, սրունքի զույգ ոսկրերի կոտրվածք:
Նիկոլայ Դալլաքյանի խոսքով՝ Գոռ Ե.-ն այժմ գտնվում է Վերակենդանացման բաժանմունքում, վիճակը կայունանալուց հետո վիրահատության կենթարկվի:
Ըստ ոստիկանության՝ Վարսենիկ Հ.-ին եւ նրա որդուն՝ Գոռ Ե.-ին վրաերթի է ենթարկել «Մերսեդես Բենց» մակնիշի ավտոմեքենայի վարորդը, որը shamshyan.com-ի տեղեկություններով, Երևանի բնակիչ, 26-ամյա Անի Վ.-ն է:
Կատարվում է քննություն: