Իրանի պաշտպանության նախարար Հոսեյն Դահգանը հայտարարել է, որ երկիրը ծովում իր պաշտպանական ներուժի մեծացման կարիք ունի եւ այդ նպատակով կատարելագործված տորպեդոների զանգվածային արտադրություն է սկսում, երեքշաբթի տեղեկացրել է ISNA գործակալությունը։
«Պաշտպանության նախարարության գերակա ուղղություններից մեկը Իսլամական հեղափոխության պահապանների կորպուսի ռազմական օդուժին ժամանակակից եւ հզոր զենքով զինելն է», — ասել է Դահգանը երեքշաբթի օրը Walfajrի նոր տորպեդոների ներկայացման հանդիսավոր արարողությանը, տեղեկացնում է «ՌԻԱ Նովոստին»։
Նա հավելել է, որ Պաշտպանության նախարարության գիտնականներն ու փորձագետները առաջավոր տեխնոլոգիաների օգտագրծմամբ տորպեդո են մշակել ու կառուցել։ Տորպեդոն կարող է բարձր արագություն զարգացնել, իսկ նրա զինագլխիկը կարող է մի քանի րոպեում պայթեցնել եւ արդյունավետորեն ոչնչացնել ծովային խոշոր նավեր։
Գործակալության տվյալներով, նոր զենքը հիմնականում կտեղադրվի սուզանավերի վրա եւ կկարողանա ռադարի եւ սոնարի միջոցով որսալ թիրախները։
