Ռուսաստանի ռազմատիեզերական ուժերի օդանավերը Սիրիայում մեկ օրում 88 ռազմական թռիչք են իրականացրել Հմեյմիմի ավիաբազայից եւ խոցել «Իսլամական պետության» 86 օբյեկտներ: Այս մասին հաղորդում է ՏԱՍՍ-ը՝ վկայակոչելով Ռուսաստանի ՊՆ պաշտոնական ներկայացուցիչ Իգոր Կոնաշենկովին:
«Անցած օրվա ընթացքում «Սու-34», «Սու24Մ» եվ «Սու 25Մ» օդանավերը 88 ռազմական թռիչք են իրականացրել Ռաքքա, Համա, Իդլիբ, Լաթաքիա եւ Հալեպ նահանգներում գտնվող «Իսլամական պետության» ենթակառուցվածքների ուղղությամբ»,-ասել է նա:
Նշվում է, որ ռուսական ավիացիան հարվածներ է հասցրել գրոհայինների հրամանատարական կետերին, դաշտային շտաբներին, զենքի պահեստներին, ռազմական տեխնիկայի կուտակումների վայրերին, պայթուցիկ նյութերի արտադրության գործարաններին, դաշտային ճամբարներին եւ բազաներին:
