ԱՄՆ կողմից Ազատ սիրիական բանակին տրվող զենքն, արդյունքում, նորից հայտնվելու է ահաբեկիչների ձեռքում: Այս մասին հայտարարել է ՌԴ նախագահ Վլադիմիր Պուտինը:
«Մենք հետեւողականորեն աշխատելու ենք, որպեսզի միջազգային ահաբեկչության դեմ պայքարին ուղղված ջանքերը միասնական լինեն, իսկ արդյունքը լինի հասկանալի, սպասված՝ ուղղված միջազգային ահաբեկչության դեմ»,-ասել է Պուտինը՝ հավելելով, որ ԱՄՆ գլխավորությամբ միջազգային ուժերի գործողությունը շարունակվում է մեկ տարուց ավելի, հաղորդում է «ՌԻԱ Նովոստին»:
«Միայնպաշտոնապես ավելի քան 500 հարված են հասցրել Սիրիայի տարածքում, կես մլրդ դոլար են ծախսել Ազատ սիրիական բանակի նախապատրաստման համար: Քիչ առաջ հայտնեցին, որ օդանավերով Ազատ սիրիական բանակին սպառազինություն ու հանդերձանք են մատակարարում: Իսկ որտե՞ղ է այդ Ազատ սիրիական բանակը»,-նշել է Պուտինը:
«Եթե ուղղակի ինչ-որ տեղ բեռնաթափում են եւ ցած նետում օդից այդ սպառազինությունը, զենքն ու հանդերձանքը, չի՞ հայտնվի այն ԻՊ-ի ձեռքում, որտե՞ղ է երաշխիքը»,-ընդգծել է ՌԴ նախագահն, ու հավելել. «ԱՄՆ-ում խոստովանել են, որ ակցիան ձախողվել է, իսկ հիմա, պարզապես նետում են սպառազինություն ու հանդերձանքը. Ո՞ւմ: Այս հարցը հռետորական չէ»,-ամփոփել է Պուտինը: