Սիրիայի ճգնաժամը հաղթահարելու համար անցումային փուլ է անհրաժեշտ։ Այդ մասին հայտարարել է Ֆրանսիայի արտգործնախարար Լորան Ֆաբիուսը։
«Սիրիայում անցումային փուլ է անհրաժեշտ երկրում քաղաքական կարգավորման հասնելու համար», - Էր-Ռիյադում Սաուդյան Արաբիայի արտգործնախարար Ադել ալ-Ջուբեյրի հետ համատեղ մամուլի ասուլիսին ասել է Լորան Ֆաբիուսը, տեղեկացնում է ՏԱՍՍ-ը։
Սաուդյան Արաբիայի արտգործնախարարն իր հերթին համաձայնել է, որ Սիրիային քաղաքական լուծում է անհրաժեշտ։ Սակայն, ինչպես նշել է ալ-Ջուբեյրը, Էր-Ռիյադը դեմ է Սիրիայի ներկայիս նախագահ Բաշար Ասադի մասնակցությանը սիրիական հակամարտության կարգավորման որեւէ գործընթացի»։
Անդրադառնալով Սիրիայի խնդրի վերաբերյալ Ռուսաստանի հետ շփումներին՝ ալ –Ջուբեյրը նշել է, որ Սաուդյան Արաբիան «փորձում է Մոսկվային համոզել, որ պետք է Ասադին բացառել սիրիական հակամարտության հանգուցալուծման ցանկացած սցենարից»։