Անթույլատրելի է Սիրիայի հակամարտությունը որպես իսլամի ներսում առճակատում մեկնաբանել: ՌԻԱ Նովոստիի փոխանցմամբ, այս մասին հայտարարել է Ռուսաստանի ԱԳ նախարար Սերգեյ Լավրովը:
«Մեր գործընկերները փորձում են մեզ ասել, որ քանի որ Սիրիայում ճգնաժամը ձգձգվեց, ձեւավորվեց ԻԼԻՊ-ը, եւ հիմա մագնիսի պես Սիրիան ձգում է բոլոր սուննիներին, քանի որ, իբր, ալեւիները սուննիների դեմ ուժ են գործադրում, չեն տալիս իշխանությունը: Դա շատ վտանգավոր փորձ է»,- հայտարարել է Լավրովը:
Լավրովի խոսքով, Ռուսաստանը պայքարում է ոչ թե իսլամի այս կամ այն ճյուղի ներկայացուցիչների, այլ ահաբեկչության դեմ:
