Հայաստանի հետ սահմանակից Իգդիր նահանգի Թուզլուջա (Կողբ) քաղաքի մուտքի մոտ մեկ ամիս առաջ հայերենով փակցված «Բարով եկաք» եւ «Ցտեսություն» գրություններից «Ցտեսություն»-ը անհայտ անձը կամ անձիք պոկել են։
Թուրքական CNNturk-ի փոխանցմամբ՝ Թուզլուջայի քաղաքապետարանի կողմից քաղաքի մուտքի եւ ելքի մոտ փակցված 4 լեզվով գրություններից հայերենը հարձակման է ենթարկվել։
Ոստիկանությունից հայտնել են, թե անհայտ անձը կամ անձիք պոկել են հայերենով «Ցտեսություն» գրության տառերը, ինչի առթիվ հետաքննություն է սկսվել։
Նշենք, որ մեկ ամիս առաջ քրդական «Ժողովուրդների դեմոկրատական» կուսակցության անդամ քաղաքապետը Թուզլուջայի մուտքի մոտ նաեւ հայերենով էր «Բարով եկաք» եւ «Ցտեսություն» գրել, ինչը մեծ աղմուկ էր բարձրացրել Իգդիրի ադրբեջանական կազմակերպությունների մոտ։
