Վանաձորում, այսօր՝ նոյեմբերի 11-ին, ոստիկաններ են վթարի ենթարկվել: NEWS.am-ի թղթակիցը հաղորդում է, որ ժամը 00:50-ի սահմաններում Վանաձոր քաղաքի Նարեկացի փողոցի վերջնամասում ոստիկանության Վանաձորի Տարոնի բաժնի ծառայող, կոչումով սերժանտ, 22-ամյա Արեն Ա.-ն իր կողմից վարած «Օպել» մակնիշի 34 TZ 596 համարանիշի ավտոմեքենայով, գլիվայր շրջվել է:
Վթարի հետեւանքով վարորդն ու ուղեւոր, ոստիկանության նույն բաժնի ծառայող, 21-ամյա Էրիկ Պ.-ն ստացել են տարբեր աստիճանի մարմնական վնասվածքներ եւ տեղափոխվել Վանաձորի բժշկական կենտրոն:
Դեպքի առթիվ նյութեր են նախապատրաստվում: Տուժած ոստիկանների վիճակը գնահատվում է բավարար:
Նշենք, որ Վանաձորում սա մեկ օրում երկրորդ վթարն է ոստիկանների մասնակցությամբ: Երեկ Վանաձորում վթարի էր ենթակվել ոստիկանության Վանաձորի Բազումի բաժնի ծառայողական «Ուազ» մակնիշի 075 ՈՍ 10 համարանիշի ավտոմեքենան:
Վանաձորում վթարի են ենթարկվել ոստիկանները. մեքենան գլխիվայր շրջվել է(ֆոտո)
Լուսանկարները`Ալեն Գրիգորյանի