ՌԴ նախագահ Վլադիմիր Պուտինը կարգադրել է Հայաստանի հետ համաձայնագիր ստորագրել հավաքական անվտանգության Կովկասյան տարածաշրջանում ՀՕՊ միավորված տարածաշրջանային համակարգ ստեղծելու մասին։ «Ընդունել Ռուսաստանի Դաշնության կառավարության առաջարկը՝ Ռուսաստանի Դաշնության եւ Հայաստանի Հանրապետության միջեւ հավաքական անվտանգության Կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին»,- ասված է փաստաթղթում, որը հրապարակված է իրավական տեղեկատվության կայքում, փոխանցում է «Վզգլյադ»-ը։
ՌԴ Պաշտպանության նախարարության հանձնարարությամբ ԱԳՆ-ի մասնակցությամբ բանակցություններ վարել հայկական կողմի հետ ու Ռուսաստանի անունից համաձայնագիր ստորագրել։
Այս տարվա ապրիլին հայտնի էր դարձել Արեւելյան Եվրոպայում, Կենտրոնական Ասիայում եւ Կովկասում ԱՊՀ շրջանակներում ՀՕՊ միասնական համակարգեր ստեղծելու պլանների մասին։
ԱՊՀ անդամ երկրների ՀՕՊ միավորված համակարգը գործում է արդեն ավելի քան 20 տարի։ Համակարգի խնդիրը անդամ երկրների օդային սահմանների անվտանգության ապահովումն է եւ հնարավոր օդատիեզերական հարձակման համատեղ հետմղումը։