Հայաստանի ազգային հավաքականի եւ ղազախական «Ակտոբեի» կիսապաշտպան Մարկոս Պիզելին հնարավոր է առաջիկայում լքի թիմը: Վերջերս փոխվել է թիմի սեփականատերը եւ նոր ղեկավարությունը չի ցանկանում մեծ գումարներ ծախսել ֆուտբոլիստների աշխատավարձերի վրա:
Մարկոս Պիզելին թիմում ամենից բարձր վարձատրվող ֆուտբոլիստն է: Թիմի մյուս վեց լեգիոներների հետ Մարկոսին իրավունք են տվել ազատ գործակալի կարգավիճակով տեղափոխվել այլ թիմ:
Ինչպես NEWS.am թղթակից Վերա Մարտիոսյանի հետ զրույցում ասաց Պիզելի գործակալ Տիգրան Մկրտչյանը, Մարկոսը դեռ մեկ տարվա պայմանագիր ունի «Ակտոբեի» հետ: Եթե նրանց հաջողվի լավ ակումբ գտնել ֆուտբոլիստի համար, նա կլքի «Ակտոբեն»: Հակառակ դեպքում Պիզելին կմնա թիմում մինչ պայմանագրի ավարտը: Գործակալի խոսքով, Մարկոսով հետաքրքվում են թիմեր Ռուսաստանից, Իտալիայից եւ ԱՄԷ-ից: Մոտ ժամանակներս պարզ կդառնա ֆուտբոլիստի հետագա ճակատագիրը:
Վերա Մարտիրոսյան/ Vera&Football