News
Լրահոս
News
Հինգշաբթի
Մարտ 28
Տեսնել լրահոսը

Թուրքական իշխանությունները հերթական խայտառակ քայլն են կատարել` հայտարարելով, թե մինչեւ սեպտեմբերի 19-ը տեխնիկական պատճառներով չեն հասցնի  Աղթամարի Ս. Խաչի գմբեթին Խաչը տեղադրել եւ այն կմնա պատարագից հետո:

Թուրքական Haberturk-ի փոխանցմամբ` սեպտեմբերի 19-ին Ախթամարի Ս. Խաչի վերաբացման աշխատանքներին հետեւելու համար Վան ժամանած Պոլսո հայոց փոխպատրիարք, արքեպիսկոպոս Արամ Աթեշյանը նշել է, թե Վանի նահանգապետը հայտնել է, որ խաչի տեղադրումը դժվար գործընթաց է եւ իրենք չեն հասցնի մինչ սեպտեմբերի 19-ը տեղադրել այն: «Պարոն նահանգապետը նշեց, որ 200 կգ քաշով խաչի տեղադրման համար անհրաժեշտ է  հատուկ աշտարակ:  Սակայն սեպտեմբերի 19-ին` Ս. Խաչի վերաբացմանը, տեղադրվելիք խաչը կցուցադրվի հյուրերին, իսկ պատարագից անմիջապես հետո կսկսվեն խաչի տեղադրման աշխատանքները»-նշել է արք. Աթեշյանը:

Մայիսին Երեւան ժամանած Վանի առեւտրա-արդյունաբերական պալատի նախագահ Զահիր Քանդաշօղլուի համար այս լուրը եւս տհաճ անակնկալ է եղել, քանի որ վերջինս նշել է, որ ինքն այդ մասին նոր է իմացել եւ հավելել. «Երանի պատարագին մասնակցելու համար Աղթամար ժամանող հյուրերը կարողանային Խաչը տեղադրված տեսնել»-նշել է Զահիր Քանդաշօղլուն:

Վանի առեւտրա-արդյունաբերական պալատի նախագահ Զահիր Քանդաշօղլուն արք. Աթեշյանին հայտնել է, որ սեպտեմբերին 19-ին հատկապես հայաստանցի հյուրերին ամենալավ ձեւով են դիմավորելու եւ  պատվելու: «Մենք ձեռներեցներ ենք եւ հավատում ենք, որ առեւտրա-տնտեսական կապերի բարելավման դեպքում շատ հարցեր կլուծվեն»-նշել է Զահիր Քանդաշօղլուն` ամփոփելով, որ իրենք ցանկանում են նաեւ Երեւանի առեւտրա-արդյունաբերական պալատից եկողների համար մի լավ հյուրասիրություն կազմակերպել:

Ավելի ուշ արք. Աթեշյանը եւ նրան ուղեկցող պատրիարքարանի ներկայացուցիչները հանդիպել են Վանի քաղաքապետի հետ, ով եւս խոստացել է Ս. Խաչի վերաբացումը լավ կազմակերպելու համար ամեն ինչ անել: «Մենք անհրաժեշտ կերպով կաջակցենք սեպտեմբերի 19-ի համար Վան եկող մեր հյուրերին թե տրանսպորտի, թե տեղավորման հարցում: Մեր հյուրերին ամենալավ ձեւով ենք հյուրընկալելու»,-նշել է Վանի քաղաքապետը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ակնկալում ենք, որ Թուրքիայի հռետորաբանությունը կնպաստի տարածաշրջանում երկխոսության առաջմղմանը. Փաշինյան
Թուրքիան տարածաշրջանային դերակատար է, և բնական է ակնկալել, որ այն պետք է…
Թուրքիայի արտաքին քաղաքականության օրակարգում Հայաստանը 10-րդ տեղում է. թուրք քաղաքագետ
Հայաստանը 10-րդ տեղում է...
Սերդար Քըլըչի հետ հանդիպման որոշում կա, բայց տեղն ու ժամկետը պետք է համաձայնեցնենք. Ռուբեն Ռուբինյան
Հայ-թուրքական հարաբերությունների կարգավորման գործընթացում Թուրքիայի...
Մենք հավատարիմ ենք Թուրքիայի հետ հարաբերությունների կարգավորման օրակարգին. Փաշինյանը՝ Ստոլտենբերգին
Գտնում ենք, որ Թուրքիայի հետ դեռեւս 2022 թվայկանին ձեռքբերված եւ հետագայում վերահաստատված պայմանավորվածությունների իրագործումը կարող են...
Հայ-թուրքական հարաբերություններում վերջնանպատակն իրականացված չէ, բայց եղել են ինտենսիվ իրադարձություններ. Միրզոյան
Նախ, հունվարի 6-ին թուրքական կողմը տեղեկացրել է, որ վերացվել են երկու երկրների միջև ուղիղ օդային բեռնափոխադրումներ կատարելու համար նախկինում...
Հայաստանի հետ հարաբերությունները Թուրքիայի համար առաջնահերթություն չեն. Վոլքան Բոզքըր 
Հայաստանի հետ մեր բոլոր քննարկումներում Ադրբեջանի հետ միշտ նախնական խորհրդակցություններ են լինում...
Ամենաշատ