ՌԴ արտգործնախարար Սերգեյ Լավրովը կարծում է, որ ՌԴ սահմաններին իր ներկայությունն ակտիվացնելու ՆԱՏՕ-ի ջանքերը, շրջանցելով «Ռուսաստան-ՆԱՏՕ փոխհարաբերությունների մասին հիմնարար ակտը», մանր խորամանկություն են։
«ՆԱՏՕ-ն ակտիվացնում է իր տեխնիկայի, ծանր սպառազինությունների ներկայությունը անմիջապես ՌԴ սահմանին՝ խախտելով Ռուսաստան-ՆԱՏՕ փոխհարաբերությունների մասին հիմնարար ակտը, որը վստահեցնում է, որ նոր անդամների տարածքում մշտական հիմունքներով նման ուժեր չեն տեղակայվելու։ Փորձում են այդ ակտը շրջանցել մանր խորամանկություններով։ Ի՞նչ տարբերություն, եթե ամեն 6 ամիսը մեկ մի բրիգադը փոխարինում է մյուսին»,- ասել է Լավրովը «Ռադիո Ռոսիի»-ի հետ զրույցում։
Ավելի վաղ ՆԱՏՕ-ի գլխավոր քարտուղար Յենս Սթոլթենբերգը հայտարարել էր, որ օրակարգում դրված է այն հարցը, թե ինչպես լուծել Բալթիկ, Սեւ եւ Միջերկրական ծովերում ռուսական արգելապատնեշների հաղթահարման խնդիրը։