«Բանանց» ֆուտբոլային ակումբի ֆուտբոլիստներն ու մարզիչները նոյեմբերի 19-ին այցելեցին Կոտայքի մարզում գտնվող «ՍՈՍ մանկական գյուղեր», որտեղ բնակվում են մինչեւ 15 տարեկան երեխաներ: Այս գյուղերում երեխաների համար ստեղծվում են ընտանիքներ, ամեն մի խումբ երեխաների համար կան ՍՈՍ մայրեր: 15 տարեկանից հետո գյուղից երեխան տեղափոխվում է երիտասարդների համար նախատեսված ավան, որտեղ էլ պատրաստվում է ավելի ինքնուրույն կյանքի։
«ՍՈՍ մանկական գյուղերում» գործում է նաեւ ֆուտբոլային թիմ: Երեխաները մեծ ոգեւորությամբ ընդունեցին «Բանանց» ֆուտբոլային ակումբի ֆուտբոլիստներին ու մարզիչներին, հնարավորթյուն ստացան ֆոիտբոլիստների հետ խաղ անցկացնել: Ֆուտբոլիստները եւ մարզիչները շփվեցին երեխաների հետ: Այս շաբաթ երեխաները կայցելեն Երեւան՝ դիտելու «Բանանցի» տնային հանդիպումը «Ուլիսի» հետ:
«Բանանցի» գլխավոր մարզիչ Տիտո Ռամալյոյի խոսքով՝ նման միջոցառումները շատ կարեւոր են թիմի համար: Ֆուտբոլիստները պետք է ոչ միայն համախմբվեն ֆուտբոլի, այլ նաեւ սոցիալական տարբեր ծրագրերի շուրջ:
Այցելության ավարտին ֆուտբոլիստները երեխաներին նվերներ հանձնեցին:
«Բանանցի» մամուլի խոսնակ Դավիթ Գալստյանի խոսքով՝ բարեգործական եւ սոցիալական ծրագրերին մասնակցելու գաղափարը պատկանում է «Բանանցի» ղեկավարությանը: Այս փորձը կլինի շարունակական եւ կդառնա բարի ավանդույթ:
Վերա Մարտիրոսյան/ Vera&Football