Ֆրանսիայի ոստիկանությունը երկրի ամբողջ տարածքում արտակարգ դրության ռեժիմի պայմաններում 182 նոր խուզարկություն է կատարել, որի արդյունքում 17 մարդ է ձերբակալվել, առգրավվել է 76 միավոր զենք, տեղեկացնում է France Info ռադիոկայանը` վկայակոչելով երկրի ներքին գործերի նախարարին:
Փարիզի ահաբեկչական գործողություններից հետո ստուգումների ընդհանուր թիվը գերազանցել է 790-ը, 90 հոգի ձերբակալվել է, առգրավվել է 174 միավոր զենք:
Փարիզի ահաբեկչական գործողություններից հետո Ֆրանսիայի տարածքում արտակարգ դրության ռեժիմը մտցվել է նախագահ Ֆրանսուա Օլանդի առաջարկով եւ նախարարների խորհրդի որոշմամբ, տեղեկացնում է «ՌԻԱ Նովոստին»։