Եվրամիության Խորհուրդը որոշել է Եվրոպայի տարածք մտնող բոլոր ապօրինի միգրանտներից մատնահետք վերցնել եւ ստուգել նրանց հակաահաբեկչական միջազգային տվյալների բազայով: Այս մասին ասված է Բրյուսելում ներքին գործերի եւ արդարադատության նախարարների արտակարգ հանդիպման արդյունքներով ընդունված ԵՄ Խորհրդի հայտարարությունում:
Միաժամանակ, ըստ ՏԱՍՍ-ի, տարանցիկ երկրներում դեպի Եվրոպա ապօրինի միգրանտների փոխադրողներն առանձին վճարով առաջարկում են մեխանիկական կամ քիմիական միջոցներով ձեւախեղել մատների ծայրերը՝ մատնահետքը որոշելն անհնար դարձնելու համար: Օրինակ՝ Լիբիայում, միգրանտների վկայությամբ, այդպիսի ծառայությունը 300 եվրո արժե:
Ավելի վաղ ԵՄ Խորհուրդը որոշել էր խստացնել արտաքին սահմանների վերահսկողությունը, այդ թվում՝ ազատ մուտքի իրավունք ունեցող անձանց համար: ԵՄ սահմաններին վերահսկողության խստացումը կվերաբերի ե՛ւ Եվրոպայի, ե՛ւ առանց վիզային ռեժիմի երկրների քաղացիներին: