ԱՄՆ-ի արդարադատության նախարարությունը հետաքննություն է սկսել գերմանական Bosch ընկերության դեմ:
Reuters-ի տեղեկացմամբ, ընկերությանը կասկածում են Volkswagen-ի դիզելային ավտոմեքենաների էկոլոգիական թեստերի անցկացման ժամանակ ավտոկոնցեռնի մեքենայություններին մասնակցելու մեջ: Հնարավոր է՝ Bosch-ի ղեկավարությունն իմացել կամ օգնել է Volkswagen-ին այդ գործում: Սակայն առայժմ այդ մասին որեւէ ապացույց չկա:
Bosch-ին սկսել են կասկածել, քանի որ ընկերությունը մատակարարել է EA189 ընտանիքի դիզելային շարժիչների հիմնական տարրերը, որոնցում EPA-ի փորձագետները գտել են մթնոլորտ վնասակար արտանետումների տվյալները խեղաթյուրող ծրագրային ապահովումը: