Կանադայի Գալիֆաքս քաղաքի օդանավակայանում արտակարգ վայրէջք կատարած Turkish Airlines ավիաընկերությանը պատկանող օդանավում պայթուցիկ սարք չի հայտնաբերվել։

Ինչպես հաղորդում է Anadolu գործակալությունը, այս մասին հայտնել է Կանադայում Թուրքիայի դեսպան Սելջուք Ունալը այն բանից հետո, երբ ոստիկանությունը ստուգել է օդանավը, այ թվում ուղեբեռները եւ ուղեւորների ձեռքի ճամպրուկները։

Ավելի վաղ թուրքական Turkish Airlines  ավիաընկերությանը պատկանող Airbus A330 օդանավն վթարային վայրէջք էր կատարել Կանադայի Գալիֆաքսի օդանավակայանում՝ ռումբի առկայության մասին ահազանգից հետո։ Օդանավը Նյու Յորքից թռչում էր Ստամբուլ։