ՏՏ գործատուների նոր միությունը կօգնի Հայաստանի տնտեսությանը։ Այս մասին նոյեմբերի 23-ին լրագրողներին ասել է Հայաստանի արդյունաբերողների եւ գործարարների միության նախագահ Արսեն Ղազարյանը։ Նա նշել է, որ 2015թ. սեպտեմբերին պաշտոնապես գրանցված միության նպատակը ՏՏ ոլորտի եւ իրական սեկտորի համագործակցությունն է առաջին հերթին ձեռնարկություններում ժամանակակից ավտոմատացված կառավարման համակարգեր տեղադրելու համար։
Ինչպես նշել է միության գործադիր տնօրեն Լիլիթ Գեւորգյանը, այն կհամագործակցի շուկաների հետ բոլոր հնարավոր մակարդակներով եւ կօգնի օրենսդրության կատարելագործմանը։
Գործադիր տնօրենի հետ մեկտեղ միությունը կղեկավարի «Յունիքոմփ» ՓԲԸ տնօրեն Արմեն Բալդրյանը։