Լոռու մարզի Ստեփանավան քաղաքի հարակից սարերից մեկում նոյեմբերի 17-ին երեկոյան ամբողջովին քայքայված վիճակում հայտնաբերված դիակի ինքնությունը դեռ չի պարզվել: Այս մասին հայտնեցին NEWS.am-ի աղբյուրները:
Մեր տեղեկություններով՝ իրավապահ մարմիններն արդեն մեկ շաբաթ է քննչական գործողություններ են իրականացնում՝ պարզելու դիակի ինքնությունը: Սակայն առ այսօր որեւէ նորություն չկա, թե ով է մահացածը:
Նշենք, որ ըստ դատաբժշկի՝ մահացածը տղամարդ է:
Ավելի վաղ հայտնել էինք, որ 2015թ. նոյեմբերի 17-ին «Հայանտառ» ՊՈԱԿ-ի Ստեփանավանի անտառտնտեսության Ստեփանավանի անտառտնտեսության տարածքում հայտնաբերվել է դիակ՝ նեխած, գլուխը բացակայում է։
Դեպքի վայրի զննությամբ դիակի գտնվելու վայրի վերնամասում՝ հայտնաբերվել է գետնից 2.35մ բարձրության վրա ծառի ճյուղին կապված է 3,5 սմ լայնությամբ և 87 սմ երկարությամբ գոտու կտոր: