Գերմանական MTM թյունինգ-ատելյեն Audi RS3 Sportback-ի վերամշակման ծրագիր է ներկայացրել, որը թույլ է տալիս ստանդարտ 2.5 լիտր ծավալով շարժիչի հզորությունը 367-ից հասցնել 435 ձիաուժի: Լրացուցիչ վճարի դիմաց հաճախորդը կկարողանա ծրագրային ապահովում պատվիրել, որը շարժիչի հզորությունը կհասցնի 500 ձիաուժի:
Ըստ Motor-ի, MTM-ի RS3-ը (435 ձիաուժ հզորությամբ) ժամում 100 կմ արագություն կարող է զարգացնել 3.9 վայրկյանում, ինչը 0.4 վայրկյանով ավելի արագ է ստանդարտ մեքենայից:
MTM-ի ծրագրային ապահովումներով RS3-ը 75 հազար եվրո արժե: Գերմանիայում ստանդարտ մոդիֆիկացիան արժե 52 հազար եվրո:
