Թեխասում 3 տարեկան երկու երեխաներ սպանել են իրենց 1.5 տարեկան քրոջը՝ նրան ջեռոցը մտցրելով: Այս մասին գրում է Ինտերֆաքսը՝ վկայակոչելով Sky News-ին:
Ողբերգական դեպքը տեղի է ունեցել Հյուսթոնում: Երեխաների մայրը՝ Ռաքել Թոմփսոնը փոքրիկ դստերն ու մյուս երեք երեխաներին, որոնցից ավագը 5 տարեկան է, մենակ է թողել՝ ընկերոջ հետ գնալով դեղորայք եւ ուտելիք գնելու: Կինը հղիության 7-րդ ամսում է:
Ոստիկանության փոխանցմամբ, երեխաների տատիկը բնակվում է նույն շենքում, սակայն Թոմփսոնը նրան չի ասել, որ դուրս է գալիս տանից: Առայժմ կնոջը մեղադրանք չի առաջադրվել, իսկ երեխաներին ժամանակավորապես փոխանցել են սոցիալական ծառայություններին: