Եգիպտոսի Սինայի թերակղզու հյուսիսում՝ էլ Արիշ քաղաքի հյուրանոցներից մեկի մոտ, 2 պայթյուն է որոտացել, հայտնում է Reuters-ը։ Առաջին պայթուցիկը գործի է դրել հյուրանոցի կողքին կայանած մեքենայի մեջ գտնվող մահապարտը։ Երկրորդ պայթյունը հնչել է 10 րոպե անց։

Կրկնակի ահաբեկչությունը տեղի էր ունեցել տեղական խորհրդարանական ընտրությունների երկրորդ փուլի հաջորդ օրը։ Հյուրանոցում եղել են ընտրական հանձնաժողովի ներկայացուցիչները։

Նախնական տեղեկությունների համաձայն՝ պայթյունից զոհվել է 3 մարդ, այդ թվում՝ մեկ ոստիկան։ Եվս 12 մարդ վիրավորվել է, փոխանցում է «ՌԻԱ Նովոստի»-ն։

Կատարվածի պատասխանատվությունը դեռեւս ոչ ոք չի ստանձնել։