Սիրիայում, Թուրքիայի հետ սահմանից ոչ հեռու ռուսական ՍՈՒ-24 օդանավ է կործանվել: Ենթադրվում է, որ օդանավի անկման պատճառը երկրից արձակված հրթիռն է, տեղեկացնում է «ՌԻԱ Նովոստին»` վկայակոչելով Ռուսաստանի Պաշտպանության նախարարությանը:
Ռուսական պաշտպանական գերատեսչության համաձայն, կործանված ինքնաթիռը բացառապես Սիրիայի տարածքում էր: Դա արձանագրված է վերահսկողության օբյեկտիվ միջոցների կողմից:
Նշենք, որ թուրք առաջատար լրատվամիջոցները սկզբում տեղեկացրել են, որ թուրքական ՌՕՈՒ-ն ռուսական օդանավին խփել է օդային տարածքը խախտելու համար, իսկ հետո` որ խփվել է Սիրիայի ՌՕՈՒ-ին պատկանող ռուսական արտադրության օդանավ:
Տեղեկացվում է, որ օդաչուները կարողացել են ժամանակին դուրս թռչել ինքնաթիռից: Թուրքական հեռուստատեսությունը ցուցադրել է ինքնաթիռի անկման օդանավը:
ՏԱՍՍ-ը տեղեկացնում է, որ վարչապետ Ահմեդ Դավութօղլուն միջադեպի հետ կապված շտապ խորհրդակցություն է անցկացնում գլխավոր շտաբի ղեկավարության հետ: