Հայաստանի խորհրդարանը նոյեմբերի 24-ին երկրորդ ու վերջնական ընթերցումով ընդունել է «Ունեցվածքի նկատմամբ իրավունքների պետական գրանցման մասին» օրենքի փոփոխությունները: «Կողմ» է քվեարկել 102 պատգամավոր, մեկը ձեռնպահ է մնացել:
Օրենքն առաջարկում է ենթակառուցվածքների օբյեկտները անշարժ գույքի հետ հավասար գրանցելու հնարավորություն: Դրա անհրաժեշտությունն առաջանում է այն հանգամանքից, որ էլեկտրամատակարարման նույն գծերը, ջրային խողովակները կամ հեռահաղորդակցության մալուխները կարող են սպասարկել նույն սեփականատիրոջը պատկանող տարածքները, որոնք իրար սահմանակից չեն: