Ռուսական ռմբակոծիչի կործանումը, որը խոցվել էր թուրք-սիրիական սահմանին, լուրջ հետեւանքներ է ունենալու ռուս-թուրքական հարաբերությունների համար։ Այս մասին հայտարարել է ՌԴ նախագահ Վլադիմիր Պուտինը։
«Մենք ուշադիր կվերլուծենք կատարվածը։ Ներկայիս ողբերգական իրադարձությունը լուրջ հետեւանքներ կունենա հետագա ռուս-թուրքական հարաբերությունների վրա»,- ասել է Պուտինը Հորդանանի թագավոր Աբդալլահ 2-րդի հետ հանդիպման ժամանակ, փոխանցում է ՌԲԿ-ն։
«Մենք միշտ Թուրքիային վերաբերվել ենք ոչ թե որպես մերձավոր հարեւանի, այլ բարեկամ պետության։ Չգիտեմ, թե ում էր ձեռնտու այն, ինչ արվեց այսօր, բայց համենայն դեպս ոչ մեզ»,- ասել է Պուտինը, փոխանցում է «ՌԻԱ Նովոստի»-ն։
«Մեզ հետ անհապաղ կապ հաստատելու փոխարեն, որքանով մենք գիտենք, թուրքական կողմը դիմել է ՆԱՏՕ-ի իր գործընկերներին՝ այդ հարցը քննարկելու համար, կարծես թե մենք ենք խոցել նրանց օդանավը եւ ոչ թե հակառակը»,- նշել է Պուտինը։
Ավելի վաղ ՌԴ ՊՆ-ն հաստատել էր, որ Սիրիայի եւ Թուրքիայի սահմանին այսօր խոցվել է ռուսական ՍՈւ-24 ռմբակոծիչը։ Նախնական տեղեկություններով՝ 2 օդաչուներից մեկը զոհվել է։
