Հայաստանի խորհրդարանը նոյեմբերի 24-ին երկրորդ ու վերջնական ընթերցումով ընդունել է հարկային հաշվառման պարզեցման մասին օրինագծերի փաթեթը («Հարկերի մասին» օրենքի փոփոխությունները ու մի շարք հարակից օրինագծեր): Կողմ է քվեարկել 87 պատգամավոր, «դեմ»՝ 4-ը, ձեռնպահ է մնացել 10-ը, հայտնում է NEWS.am-ի խորհրդարանական թղթակիցը:
Եթե հիմա սահմանված է հարկային հաշվառման մոտավորապես 50 տեսակ (ըստ հարկի ու ձեռնարկության կազմակերպչական տեսակի ) ապա 2018 թ. սկսած՝ դրանց կփոխարինի հարկային մեկ հաշվառում: Այն ամբողջովին կվերահսկի հարկատուն, ու պետությունը չի կարողանա նրանից կանխավճար գանձել առանց նրա համաձայնության: