Ռուսական Սու-24 օդանավի խոցման վայրում գործում են ահաբեկչական խմբավորումները, որոնց շարքերում կռվում են Հյուսիսային Կովկասի հանրապետությունների ներկայացուցիչները։ Տեղի խմբավորումներից մեկը, որը հիմնականում կազմված է Չեչնիայի եւ Դաղստանի բնակիչներից, հայտարարել է, որ մտադիր է զոհված օդաչուի դին փոխանակել իրենց կողմնակիցների հետ։
Հիշեցնենք, որ, համաձայն մամուլում հայտնված հրապարակումների, օդաչուները պարաշյուտով վայրէջք կատարելիս ենթարկվել են զինյալների հարձակմանը։ Նրանցից մեկը մահացել է։ Երկրորդի ճակատագիրը հայտնի չէ։
Նման հայտարարությամբ հանդես եկած խմբավորումը հիմնականում կազմված է «Իմարաթ Կավկազ»-ի անդամներից, որոնք 2011-ին անցել են սահմանը: Այդ գրոհայինները զբաղվում են Հյուսիսային Կովկասից վարձկանների ներգրավմամբ: Ընդ որում, նրանք հավատարմության երդում են տալիս միաժամանակ ԻԳԻԼ-ին եւ «Ան-Նուսրային»: Նրանք տեղակայված են սիրիական Իդլիբ եւ Լաթաքիա նահանգների տարածքում, տեղեկացնում է LifeNews-ը:
