Սիրիայի հյուսիսում խոցված Սու-24 ռուսական օդանավը պայքարում էր Ռուսաստանից ժամանած գրոհայինների դեմ՝ իրականացնելով ահաբեկիչների խմբի ոչնչացման խնդիրը։ Այս մասին Սոչիում Հորդանանի թագավոր Աբդալլահ 2-րդի հետ հանդիպման ժամանակ ասել է ՌԴ նախագահ Վլադիմիր Պուտինը, փոխանցում է RT-ն։
«Ռուս օդաչուները գործողություն էին իրականացնում ԻՊ-ի դեմ։ Հյուսիսային Լաթաքիան լեռնային հատված է, որտեղ կենտրոնացած են զինյալները՝ հիմնականում Ռուսաստանի Դաշնությունից։ Այս իմաստով նրանք կատարում էին իրենց անմիջական խնդիրը՝ հարվածներ հասցնելով ահաբեկիչներին, որոնք ցանկացած պահի կարող էին վերադառնալ Ռուսաստան։ Դա իհարկե մարդիկ են, որոնց պետք է ուղղակիորեն դասել միջազգային ահաբեկիչների շարքը»,- մեջբերում է Պուտինի խոսքը «ՌԻԱ Նովոստի»-ն։
Պուտինը նշել է, որ խոցված օդանավի օդաչուները որեւէ կերպ չէին սպառնում Թուրքիայի Հանրապետության անվտանգությանը։
