Մենք երբեք չենք հանդուրժի, որ տեղի ունենան այնպիսի հանցագործություններ, ինչպիսին այսօրվանն էր։ Այս մասին հայտարարել է ՌԴ նախագահ Վլադիմիր Պուտինը՝ անդրադառնալով Թուրքիայի ՌՕՈւ կողմից ռուսական Սու-24 օդանավը խոցելուն։
«Ես հասկանում եմ, որ յուրաքանչյուր պետություն իր տարածաշրջանային շահերն ունի, մենք միշտ հարգանքով ենք մոտենում դրան։ Բայց մենք երբեք չենք հանդուրժի, որ տեղի ունենան այնպիսի հանցագործություններ, ինչպիսին այսօրվանն էր։ Մենք իհարկե հաշվարկում ենք, որ միջազգային հանրությունը ամեն դեպքում իր մեջ ուժ կգտնի, որպեսզի միավորվի այդ չարիքի դեմ պայքարի համար։ Այս կապակցությամբ իհարկե հույս ունենք, որ այդ պայքարում կմասնակցեն տարածաշրջանի բոլոր երկրները։
Հիմա այս հարվածը մեր թիկունքից, հարվածները մեր օդանավերին, որոնք պայքարում էին ահաբեկչության դեմ։ Սա այն դեպքում, երբ մենք ամերիկացի գործընկերների հետ օդային միջադեպերի նախազգուշացման մասին համաձայնագիր էինք ստորագրել։ Թուրքիան, ինչպես գիտենք, նրանց թվում է, ովքեր հայտարարել էին, թե ամերիկյան կոալիցիայի շարքերում պայքարում են ահաբեկչության դեմ»,- ասել է Պուտինը Հորդանանի թագավոր Աբդալլահ 2-րդի հետ հանդիպման ժամանակ, փոխանցում է «ՌԻԱ Նովոստի»-ն։