Ֆրանսիական ԱԷԿ-ներում անվտանգության բարձր մակարդակ է սահմանվել: Այս մասին գրում է Gazeta-ն՝ վկայակոչելով Le Point-ին: Անվտանգության միջոցառումների ուժեղացման մասին Electricite de France էներգետիկ կոնցեռնի եկավար Ժան-Բեռնար Լեւին հայտնել է France2 հեռուստաալիքին տված հարցազրույցում:
Նրա խոսքով, Ֆրանսիայի 19 ատոմային էլեկտրակայանները «բարձր պատրաստության վիճակում են» հունվարից, Charlie Hebdo երգիծական ամսագրի խմբագրության վրա հարձակումից հետո:
«Մենք մշտապես կապ ենք պահպանում ոստիկանության եւ ժանդարմերիայի հետ: Պարբերաբար ստուգում ենք ԱԷԿ մուտքի հնարավորություն ունեցող բոլոր աշխատակիցներին»,- ընդգծել է նա:
Հիշեցնենք, որ հունվարին Փարիզում Charlie Hebdo-ի խմբագրության վրա հարձակման հետեւանքով 12 մարդ զոհվեց:
Իսկ նոյեմբերի 13-ին Փարիզում իրագործված ահաբեկչություններին զոհ գնաց 130 մարդ: