Ռուսաստանի ՊՆ-ն որեւէ հայտարարություն չի արել Սիրիայում ուղղաթիռի ենթադրյալ կործանման մասին, որը որոնում էր ավելի վաղ խոցված Սու-24-ի օդաչուներին: «Ինտերֆաքս»-ի փոխանցմամբ, այս մասին հայտարարել է ՌԴ նախագահի մամուլի քարտուղար Դմիտրի Պեսկովը:
«Ինձ հայտնի չէ այդ առիթով Պաշտպանության նախարարության արած հայտարարությունների մասին: Մենք նույնպես ուղղորդվում ենք ՌԴ ՊՆ հայտարարություններով եւ բոլորին կոչ ենք անում նույնն անել»,- մեկնաբանելով ուղղաթիռի մասին տարածված տեղեկությունը՝ հայտարարել է Պեսկովը:
Ավելի վաղ արեւմտյան որոշ լրատվամիջոցներ, վկայակոչելով սիրիական ընդդիմադիր աղբյուրներին, հաղորդել էին Լաթաքիայում ռուսական ուղղաթիռի կործանման մասին: Այլ աղբյուրներ չեն հաստատել այս տեղեկությունը:
Հիշեցնենք, որ նոյեմբերի 24-ին ռուսական Սու-24-ը Սիրիայի օդում խոցվել է թուրքական ՌՕՈՒ-ի կողմից:
