Բուլղարիայում գիտնականները հնագույն ոսկե զարդ են գտել: Դրանք հայտնաբերել են Վառնայի շրջանի Պրովադիա բնակավայրի մերձակայքում:
Ըստ «Պրեսսա Ուկրաինա»-ի, գիտնականները նշել են, որ հնագույն բնակավայրի բնակիչներն առաջիններից մեկն են զբաղվել ոսկուց իրերի պատրաստմամբ եւ մշակմամբ: Հնագետների խոսքով, գտածոն այս տարածաշրջանում է եղել մ.թ.ա. 4.100 թվականից:
Գերեզմաններից մեկում հայտնաբերված կախազարդը 2 գրամ է կշռում: Այդպիսի զարդ կարող էին կրել միայն սոցիալական բարձր դիրք ունեցողները:
Գիտնականները նաեւ ենթադրում են, որ այդպիսի զարդ օգտագործել են միայն հուղարկավորության ժամանակ: