Մոլդովական ուղղաթիռը, որում 21 մարդ է եղել, վթարային վայրէջք է կատարել Աֆղանստանում եւ գրավվել «Թալիբան» շարժման զինյալների կողմից: Մոլդովական «Պուբլիկա» հեռուստաալիքի փոխանցմամբ, տեղեկությունը հաստատել է Մոլդովայի ՆԳ նախարարի պաշտոնակատար Օլեգ Բալանը:

Միջազգային լրատվամիջոցները, վկայակոչելով աֆղանական իշխանության ներկայացուցիչներին, հաղորդում են, որ 18 հոգուց 13-ը պատանդառվել է, երեքը՝ սպանվել: Հայտնի է, որ տուժածների շրջանում նաեւ Մոլդովայի քաղաքացիներ կան:

Ըստ «Omega»-ի, Մի-8 ուղղաթիռը պատկանում է մոլդովական Valan International Cargo Charter տրանսպորտային ընկերությանը, որը մասնակցում է Աֆղանստանում ՄԱԿ-ի հովանո ներքո անցկացվող խաղաղարար առաքելությանը:

Միջադեպը տեղի է ունեցել ահաբեկիչների վերահսկողության ներքո գտնվող Ֆարյաբ գավառում: