Հանրահայտ խորհրդային դերասան, պոետ եւ երգահան Վլադիմիր Վիսոցկու անձնական իրերն այսօր աճուրդի կհանվեն Drouot աճուրդի տանը։ Լոտերը վաճառքի է հանել Վիոցկու այրին՝ ծագումով ռուս ֆրանսիացի դերասանուհի եւ երգչուհի Մարինա Վլադին, փոխանցում է «ՌԻԱ Նովոստի»-ն։
Ամենաթանկ լոտը Վիսոցկու հետմահու դիմակն է, որը պատրաստված է բրոնզից եւ արծաթից։ Դիմակի հետին մասում նշված է 1980թ.՝ երգչի մահվան տարեթիվը, ինչպես նաեւ Վլադիի անվան առաջին տառերը՝ MV։ Լոտի նախնական արժեքը 30-50 հազար եվրո է։
Մարինա Վլադին Վլադիմիր Վիսոցկու վերջին կինն էր։