Նոյեմբերի 25-ի գիշերը ՌԴ Ուլյանովսկի երկրամասում՝ թուրքական գործարանի մոտ, բողոքի ակցիա է տեղի ունեցել։ Ցուցարարները նման կերպ իրենց բողոքն են հայտնել նոյեմբերի 24-ին ռուսական կործանիչը խոցելու կապակցությամբ։ Մի խումբ ակտիվիստներ մոտեցել են «Էֆես Ռուս» գերաջրագործական ընկերության շենքին, որպեսզի պահանջեն հանել թուրքական դրոշը։
Գործարանի մոտ են հավաքվել ոստիկանության եւ Զավոլժիեի մարզպետարանի ներկայացուցիչները։ Նրանց ներկայությամբ զայրացած ամբոխը կարողացել է ստանալ գործարանում գտնվող թուրքական դրոշը, որի վրա ցուցարարները ձվեր են նետել։ Դրա փոխարեն գործարանի վրա բարձրացվել են Ռուսաստանի Դաշնության եւ ռազմադեսանտային զորքերի դրոշները, փոխանցում է Ulgrad-ը։
Հիշեցնենք, որ նոյեմբերի 24-ին թուրք-սիրիական սահմանին խոցվել էր ռուսական ՍՈւ-24 ռմբակոծիչը։