Երեւանի Նորք-Մարաշի 9-րդ փողոցն այս պահին ամբողջությամբ փակ է:
NEWS.am-ի թղթակիցը հաղորդում է, որ մեծ թվով ոստիկանության եւ ԱԱԾ աշխատակիցներ դադարեցրել են քաղաքացիների անցուդարձը փողոցում:
Այս պահին փողոցի տներից մեկում խուզարկություն է իրականացվում:
ՀՀ ազգային անվտանգության ծառայությունը եւ ոստիկանությունն առայժմ ձեռնպահ են մնում որեւէ մեկնաբանություն անելուց:
Ավելի վաղ հայտնել էինք, որ Երեւանի Նորք Մարաշի 9-րդ փողոցի տներից մեկում այսօր` նոյեմբերի 25-ին, Ազգային անվտանգության ծառայության աշխատակիցները վնասազերծել են մի խումբ զինված մարդկանց: NEWS.am-ին հայտնի էր դարձել, որ այս խմբի մեջ եղել են նաեւ կանայք: Ըստ մեր աղբյուրների` նրանց մեջ կան նաեւ սփյուռքահայեր:
Ըստ մեր աղբյուրների` իրավապահները տուն են մտել` պատը զինտեխնիկայով քանդելու միջոցով:
