Անկարան պաշտպանում է «Իսլամական պետության» գորհայիններին։ Այս մասին հայտարարել է ՌԴ վարչապետ Դմիտրի Մեդվեդեւը։ Նրա խոսքով՝ տեղեկություններ կան, որոնք վկայում են այն մասին, որ մի շարք թուրք պաշտոնյաներ շահագրգռված են այդ կազմակերպության կողմից նավթամթերք ստանալու հարցում, փոխանցում է «ՌԻԱ Նովոստի»-ն։
«Ռուսական օդանավը խոցած Թուրքիայի իշխանությունների հանցավոր գործողությունները հանգեցրել են երեք հետեւանքի։ Առաջինը՝ ՌԴ-ի եւ ՆԱՏՕ-ի միջեւ հարաբերությունների վտանգավոր լարումը, որը չի կարող արդարացվել ոչ մի շահով, այդ թվում՝ պետական սահմանների պաշտպանությամբ։ Երկրորդը՝ Թուրքիան ցույց տվեց, որ աջակցում է Իպ-ին, եւ երրորդը՝ սասանեց Ռուսաստանի եւ Թուրքիայի միջեւ երկարամյա բարի դրացիական հարաբերությունները»,- ասել է Մեդվեդեւը։
Նա նշել է, որ միջադեպի պատճառով կարող են խզվել մի շարք համատեղ նախագծեր։