2015թ սկսած՝ Հայաստանը թարմ մրգեր ու բանջարեղեն է արտահանում Ղազախստան: Այս մասին լրագրողներին նոյեմբերի 25-ին հայտնել է հանրապետության գյուղատնտեսության փոխնախարար Ռոբերտ Մաքարյանը:
«Տարեսկզբից Ղազախստան է արտահանվել 176 տոննա մթերք: Լավ սկիզբ է, եւ շուկան էլ ներուժ ունի: Կարելի է հույս ունենալ, որ ապագայում ծավալները կաճեն: Հիմա Գյուղատնետսական նախարարության գլխավոր խնդիրն է մտածել արտահանման դիվերսիֆիկացման մասին: Մենք չենք ուզում, որ մեր արտադրողները կախում ունենան 1-2 շուկաներից: Դրա համար էլ ցույց ենք տալիս, թե ինչպես կարելի է Եվրամիություն ու ասիական երկրներ ապրանք արտահանելու հավաստագիր ստանալ»,- ասել է փոխնախարարը: