Պետք չէ պահածոների գործարաններին մեղադրել այն բանի համար, որ նրանք չեն կարողացել գյուղացիներից գնել վարունգի ամբողջ բերքը: Այդ մասին լրագրողներին նոյեմբերի 25-ին հայտնել է ՀՀ Գյուղատնտեսության փոխնախարար Ռոբերտ Մաքարյանը:
Նրա խոսքով, մարինադի համար օգտագործվում են 9-10 սմ երկարության վարունգներ, իսկ գյուղացիները թողնում են, որ դրանք գերհասունանան: Ի վերջո, նման վարունգները կրկնակի երկար էին ստացվում: Իսկ ստիպված էին սպասել, քանի որ այս տարի Վրաստանում լավ բերք էր, ու վրացի առեւտրականները, ի տարբերություն անցած տարիների, կրճատել էին իրենց գնումները: «Գյուղացիները տեսան, որ ավելի քիչ են գնում, սկսեցին սպասել ու չէին հավաքում բերքը : Իսկ հետո բերում էին գործարան ու ասում՝ գնեք: Բայց գործարանի համար հումքն արդեն հարմար չէր: Ու դրա համար էլ անսալով մեր հորդորներին՝ նրանք որքան կարողացել են պահածոյացրել են»,- նկատել է Մաքարյանը:
Այն հարցին, թե ինչու գործարանները չէին կարող մարինադը խոշոր վարունգներից պատրաստել՝ Մաքարյանը պատասխանել է . «Որովհետեւ նման ապրանքը շատ դժվար է շուկա հանելը: Դուք ձեր տանը նման մեծ վարունգներ դդու կդնե՞իք»:
