«ՀայՌուսԿոգեներացիա» ՓԲԸ-ն կարող է 2015-ը վնասով փակել NEWS.am-ի թղթակցին ասել է գլխավոր տնօրեն Միքայել Ռուստամյանը:
«Մեր մատակարարած ջերմության սակագները մեզ բավարարում են, բայց ոչ էլեկտրականության սակագինը, որ մատակարարում ենք ցանցին», - հայտնել է Ռուստամյանը:
Նշենք, որ Հանրային ծառայությունների կարգավորման հանձնախողովի նոյեմբերի 25-ի նիստին բարձրացվել է ջերմության համար «ՀայՌուսկոնգեներացիայի» սակագինը: Մասնավորապես, երկաստիճան համակարգում այն հասել է կՎտ ջերմության դիմաց 20,8 դրամի եւ 1 խորանարդ մետր տաք ջրի դիմաց 1 213 դրամի: Նախկին սակագինը կազմում էր 15,2 դրամ ջերմության համար եւ 886,4 դրամ տաք ջրի խորանարդ մետրի համար (գները նշված են ԱԱՀ-ով):
Ընկերության համագեներացիոն կայանի համար էլեկտրականության սակագինը ամառվա սեզոնին հավասար է Հրազդանի ՋԷԿ-ի միաստիճան սակագնին (43 դրամ), իսկ ձմռան սեզոնին` Երեւանի ՋԷԿ-ի սակագնին (23 դրամ):
Այս սակագներն այնքան էլ չեն բավարարում ընկերությանը, հավելել է Ռուստամյանը: Ընկերությունն աշխատում է 2009-ից եւ առայժմ` առանց վնասի, բայց 2015-ի արդյունքներով նման ռիսկ առկա է:
«ՀայՌուսԿոգեներացիան» (էլեկտրականության եւ ջերմության համագեներացիոն կայանի օպերատորը) ռուսական «ԵվրոՍիբԷներգոԻնժիներինգ»-ի` «Հիմնարար տարր» – հոլդինգի կառույցներից մեկի դուստր ձեռնարկությունն է: Հոլդինգը ղեկավարում է ռուս խոշոր գործարար Օլեգ Դերիպասկային:
