Թուրքիայի կողմից Սիրիայում ռուսական ռմբակոծիչը խոցելուց հետո ռուսական իշխանությունները երկրի քաղաքացիներին կոչ արեցին չմեկնել Թուրքիա։ Այս համատեքստում քննարկումներ են տեղի ունենում, թե Թուրքիա որքան ռուսաստանցի է այցելում։
Ինչպես NEWS.am-ը տեղեկանում է Թուրքիայի տուրիզմի եւ մշակույթի նախարարությունից, 2014 թվականին Թուրքիա ամենաշատը այցելել են Գերմանիայի քաղաքացիները՝ 5 մլն 250 հազար, որին հետեւել են ռուսաստանցիները՝ 4 մլն 500 հազար։ Իսկ ընդհանուր Թուրքիա այցելել են 34 մլն զբոսաշրջիկ։ Այսինքն, Ռուսաստանի քաղաքացիները կազմել են զբոսաշրջիկների մոտ 13 տոկոսը։
Թեեւ Ռուսաստանում ծագած տնտեսական ճգնաժամին, 2015-ի հունվար-սեպտեմբեր ամիսներին Թուրքիա են այցելել 3 մլն 300 հազար ռուսաստանցիներ։
Թուրքիայում 2014-ին տուրիզմից ստացած եկամուտը կազմել է 41 մլրդ լիրա, որը դոլարով հավասար է 13 մլրդ դոլարին։ Այս հաշվարկից ելնելով ռուսաստանցի զբոսաշրջիկները ապահովել են Թուրքիային մոտ 1,7 մլրդ դոլար եկամուտ։ Այսինքն, դեպի Թուրքիա ռուսաստանցիների այցերի կրճատումը խիստ բացասական ազդեցություն կունենա Թուրքիայի տուրիզմի ոլորտի վրա։