Հայաստանի ՏԿԱԻՆ-ում, նոյեմբերի 25-ին, ժամը 18.33-ին ահազանգ է ստացվել, որ Երեւանի Լեռ Կամսար փողոցում՝ Ամերիկյան համալսարանի մոտակայքում, ժայռաբեկորները թափվել են ավտոճանապարհին՝ դարձնելով այն միակողմանի երթեւեկելի:
Դեպքի վայր են մեկնել ՃԿԱԿ օպերատիվ խումբը եւ մեկ մարտական հաշվարկ:
Պարզվել է, որ Սոսե փողոցում գտնվող տներից մեկի պարիսպը մասամբ փլուզվել է (մոտ 20 քմ) եւ թափվել Լեռ Կամսար փողոց, առկա է նաեւ թեքված գազատար խողովակ եւ էլէկտրական սյուն:
Հրշեջ-փրկարարները սահմանազատել են տարածքը եւ ավտոճանապարհի երթեւեկելի հատվածից հեռացրել խոչընդոտող քարերը: