Ռուսաստանի զինված ուժերի գլխավոր շտաբը քննարկում է Սիրիայում իր ավիախմբի կազմը եւս 10-12 մեքենայով մեծացնելու հնարավորությունը: Այս մասին գրում է ռուսական «Կոմերսանտ» թերթը՝ վկայակոչելով ռազմական օպերատիվ մարմիններին մոտ կանգնած աղբյուրը:
Պարբերականն ընդգծում է, որ Սիրիայի «Հմեյմիմ» ավիաբազայում ռուսական զորակազմն ունի «Սու-25 ՍՄ» ռմբակոծիչներ (12 մեքենա), «Սու-24Մ» եւ «Սու-34» ճակատային ռմբակոծիչներ (12-ական մեքենա), «Սու-27ՍՄ» եւ «Սու-30 ՍՄ» կործանիչներ (4-ական մեքենա): Բացի այդ, ռուսական զորակազմի տրամադրության տակ կան 12 հատ «Մի-24» ռազմական ուղղաթիռներ եւ 3 հատ «Մի-8» բազմաթիրախ ուղղաթիռներ:
Թերթի զրուցակիցը նշել է, որ նախքան «Սու-24»-ը խոցելու միջադեպը օդանավերը թռիչքներ են իրականացրել առանց թաքնվելու, քանի որ նրանց համար երկրից պոտենցիալ վտանգ չի եղել, իսկ կոալիցիայի օդանավերի կողմից հարձակման ենթարկվելու վտանգը ոչ ոք լուրջ չի քննարկել: