Ռուսական Սու-24 ռմբակոծիչի միջադեպը Թուրքիայի համար պատժամիջոցներով կավարտվի: Ռուսաստանը կսահմանափակի թուրքական մթերքների եւ այլ արտադրանքի ներկրումը: Պատժամիջոցների մասին կարող են պաշտոնապես հայտարարել արդեն հինգշաբթի՝ նոյեմբերի 26-ին: Այս մասին գրում է «Կոմերսանտ»-ը՝ վկայակոչելով կառավարական իր աղբյուրները, ինչպես նաեւ թուրք մատակարարների հետ աշխաող գործարարներին:
Սահմանափակումների ենթակա ապրանքների ցանկը դեռ չկա, իշխանությունները դեռ քննարկում են հարցը, Արեւմուտքի երկրների պես էմբարգո դնելու մասին խոսք չի գնում: Արգելքները կարող են դնել «Ռոսսելխոզնադզորը» եւ «Ռոսպոտրեբնադզորը»:
Այս գերատեսչություններից պաշտոնական մեկնաբանություն չեն արել:
Նշենք, որ Թուրքիային բաժին է ընկնում Ռուսաստան ներկրվող ապրանքների 4 տոկոսը: Ընթացիկ տարվա 10 ամիսների ընթացքում Թուրքիան Ռուսաստան է մատակարարել 1 մլրդ դոլարի արտադրանք, հիմնականում՝ լոլիկ եւ ցիտրուս: Սական ՌԴ Գյուղատնտեսության նախարարությունն արդեն պատրաստ է դրանք փոխարինել Իրանից, Մարոկկոյից, Իսրայելից եւ այլ երկրներից բերված մթերքներով: