Դժվար է ինչ-որ բան ակնկալել Հայաստանի եւ Ադրբեջանի նախագահների հանդիպումից, եթե պաշտոնական Բաքուն շարունակի խոսել ուժի դիրքերից: Այս մասին նոյեմբերի 26-ին կայացած Կառավարության նիստի ավարտին ասաց ՀՀ փոխարտգործնախարար Շավարշ Քոչարյանը:
«Այդ մասին կխոսենք այն ժամանակ, երբ հստակ հայտնի կլինի, որ այդ հանդիպումը կայանալու է: Ամեն դեպքում ես մեկ անգամ չեմ ասել եւ կարող եմ ասել: Ակնկալիքներ կարող են հայտնվել այն ժամանակ, երբ ադրբեջանական կողմը վերջ կդնի ամեն ինչ կամ ոչինչ մոտեցմանը եւ ուժի միջոով իր համար ընդունելի լուծում ստանալու փորձերին: Դեռեւս նման ձգտում չկա, չկան եւ մեծ ակնկալիքներ: Մյուս կողմից դա չի նշանակում, որ նման հանդիպումներն անհրաժեշտ չեն: Անգամ պատերազմող կողմերի միջեւ հանդիպումներ եւ բաակցություններ են լինում»,- ասել է փոխնախարարը:
Նշենք, որ մամուլում պարբերաբար հրապարակումներ են հայտնվում դեկտեմբերի սկզբին Սարգսյան-Ալիեւ հնարավոր հանդիպման մասին:
